កាលពីព្រឹកថ្ងៃទី២៤ ខែសីហា ឆ្នាំ២០០៨ ក្នុងសន្និសិទ្ធមួយ ឯកឧត្ដម ខៀវ កាញារិទ្ធ រដ្ឋមន្ដ្រីក្រសួងពត៍មាន បានថ្លែងថា យើងអាចទុកពេលចរចារ ពីព្រោះយើងដឹងហើយថា ទោះជាយ៉ាងណា ក៏មិនមានការឆាប់ចប់ដែរ ប៉ុន្ដែទោះជាយ៉ាងណាក៏ ដោយ គឺយើងជំរុញគណៈកម្មការគូសព្រំដែនបន្ដការងារតទៅទៀត ។ ដូចជា ប្រាសាទតាមាន់ ប្រាសាទព្រះវិហារ គឺជាតំបន់ ស្មុគស្មាញ យើងចាប់ផ្ដើមពីកន្លែងណាដែលស្រួល គូសកន្លែងដែលគ្មានទំនាស់សិន ។

ឯកឧត្ដមរដ្ឋមន្ដ្រីបានរំលឹកថា តាំងពីឆ្នាំ២០០០ មកម្លេះ មានកន្លែងខ្លះដែលស្មុគស្មាញមែនទែន មានបង្គោលញឹក ហើយ មិនត្រឹមតែធ្វើបង្គោលញឹកទេ ថែមទាំងធ្វើរបងបេតុងបាំងជញ្ជាំងតែម្ដង ។ ជាជំហានៗបញ្ហាព្រំដែន មិនមែនជាបញ្ហា ងាយស្រួលទេ ព្រោះ សៀម សំអាងថា ព្រំដែនដែលសៀមចុះនោះ គឺកាលក្រោយ សៀម ច្បាំងចាញ់ បារាំង ប៉ុន្ដែបញ្ហ នេះ យើងជជែកបន្ដទៅទៀត ។ កក្ដាសំខាន់គឺបញ្ជៀសសង្គ្រាមជាបញ្ហាធំបំផុត យើងបន្ដការចរចារព្រោះ ប្រាសាទតាមាន់ ពីដើមមកមិនមែនប្រភពចំនូលសេដ្ឋកិច្ចធំរបស់យើងទេ គឺ ប្រាសាទព្រះវិហារ ទេ ដែលជាប្រភពធំរបស់ ព្រះរាជាណាចក្រ កម្ពុជា យើង ។ ទាក់ទិននិងបញ្ហនេះ ឯកឧត្ដមរដ្ឋមន្ដ្រីបានសង្កត់ធ្ងន់ថា បញ្ហសំខាន់គឺយើងជំរុញកន្លែង ប្រាសាទព្រះវិហារ សិន គឺជាកន្លែងដែលរសើបបំផុត ។ ប្រាសាទតាមាន់ កាលពីដើម ក៏ពុំសូវមានអ្នកណាទៅប៉ុន្មានដែរ ក៏ប៉ុន្ដែឥឡូវយើងជំរុញ ឱ្យមានការស្ថាបនាផ្លូវ ។ ឯកឧត្ដមរដ្ឋមន្ដ្រីបានលើកឡើងថា បញ្ហ ប្រាសាទព្រះវិហារ ព្រំដែនមិនមែនជាបញ្ហា ដែលយើង គិតថា ឆាប់នោះទេ ។ ដោយឡែកសំខាន់បំផុត យើងឃើញហើយថា កាលពីអតីតនាយករដ្ឋមន្ដ្រី ថាក់ស៊ីន សីណាវាត្រា គឺ បានឯកភាពថា និង ជំរុញឱ្យចប់បញ្ហព្រំដែន ប្រាសាទព្រះវិហារ នៅឆ្នាំ២០០៨ នេះ ក៏ប៉ុន្ដែដោយសារអតីតនាយករដ្ឋមន្ដ្រី ថាក់ស៊ីន បានធា្លក់ពីតំណែងនាយករដ្ឋមន្ដ្រី ដោយសារពួកជ្រុលនិយម ថៃ យកបព្ហាព្រំដែននេះ ជាលេស ។ បញ្ហ ប្រាសាទ ព្រះវិហារ ជាលេសរបស់អ្នកនយោបាយ ថៃ រញ៉េរញ៉ៃនៅទីនោះ ដូច្នេះសំខាន់បំផុតរបស់យើង គឺជំរុញស្ថានភាពឱ្យត្រ ឡប់ទៅសភាពដើមវិញ ដើម្បីចៀសវាងការប្រឈមមុខដាក់គ្នា ។ ឯកឧត្ដមបន្ថែមថា មានអ្នកខ្លះថា ខ្មែរដូចជាចាញ់ ប្រៀប សៀម ណាស់ ពីព្រោះ សៀម អូសបន្លាយ គួរតែប្តឹងទៅអង្គការសហប្រជាជាតិ ។ ឯកឧត្ដមបន្ថែមថា នៅក្នុង អង្គការសហប្រជាជាតិ អ្នកសម្រេចធំជាងគេ គឺក្រុមប្រឹក្សាសន្ដិសុខរបស់ អង្គការសហប្រជាជាតិ ហើយប្រទេសមួយចំនួន ក៏ សុទ្ធតែមានការលំបាក ។ ជំហរគេពិបាកគាំទ្រយើង ដោយសារគេប៉ះជាមួយនិង សៀម ហើយគេគាំទ្រ សៀម បើខាង កម្ពុជា យើងដាក់បន្តឹងទៅ អង្គការសហប្រជាជាតិ មានតែមួយគត់ គឺគេនឹងធ្វើអនុសាសន៏មួយ សុំឱ្យរដ្ឋាភិបាលទាំងពីរ បន្ដ ការចរចារជាមួយគ្នាបន្ដទៀត ។