.:: Meatophum Yoeung ::.


ទំព័រដើម \| បេសកកម្ម \| គ្របដណ្ដប់ការផ្សាយ \| ទំនាក់ទំនង		កម្មវិធីមាតុភូមិយើង គឺជាកម្មវិធីផ្សព្វផ្សាយមួយ នៅក្រៅប្រព័ន្ធរដ្ឋ មានតួនាទី នឹងកាតព្វកិច្ច "ផ្ដល់រាល់ព័ត៌មានតុល្យភាព សម្រាប់ការចូលរួមក្នុងកិច្ចការពារ បន្ដការ កសាង និងអភិវឌ្ឍន៍ មាតុភូមិ " "ផ្ដល់ឱកាសឱ្យមានការពិភាក្សា ដើម្បីបង្កើនគុណភាពយល់គ្នា ទៅវិញ ទៅមកឱ្យកាន់តែប្រសើរ " "ផ្ដល់ឱកាសឱ្យមានពិភាក្សា ដើម្បីផ្លាស់ប្ដូរមតិយោបល់ កាត់បន្ថយ និង បំបាត់ការយល់ច្រឡំ លើព័ត៌មានអវិជ្ជមាន"

Meato Phum Yoeng...

ព័ត៌មានប្រចាំថ្ងៃ

បទសម្ភាសន៏

បទយកការណ៏

បទវិចារណកថា

វេទិការតុមូល កម្មវិធីផ្សាយ

នាទីវប្បធម៌

នាទីសេដ្ឋកិច្ច នាទីច្បាប់ នាទីទេសចរណ៏ នាទីអបរំ នាទីកសិកម្ម


ព័ត៌មានប្រចាំថ្ងៃ
ពិធីប្រគល់ និងទទួលឯកសារគោលនយោបាយ និងយុទ្ធសាស្ត្ររបស់ក្រសួងអភិវឌ្ឍន៍ជនបទ Friday, 16 October 2009 ដោយៈ សេង សុផាត ក្រសួងអភិវឌ្ឍន៍ជនបទកាលពីថ្ងៃទី១៤ ខែតុលា ឆ្នាំ២០០៩នេះ បានប្រារព្ធពិធីប្រគល់ និងទទួលឯកសារគោលនយោ បាយ និងយុទ្ធសាស្ត្ររបស់ក្រសួងអភិវឌ្ឍន៍ជនបទ ដែលមានការអញ្ជើញចូលរួមពីសំណាក់ឯកឧត្តមឧបនាយករដ្ឋ មន្ត្រី យឹម ឆៃលី ប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ, ឯកឧត្តម ជា សុផារ៉ា រដ្ឋមន្ត្រីក្រសួងអភិ វឌ្ឍន៍ជនបទ, ឯកឧត្តម Lee Kyung-so ឯកអគ្គរដ្ឋទូតនៃសាធារណៈរដ្ឋកូរ៉េប្រចាំនៅកម្ពុជា, លោក KIM Byung Gwan ប្រធាន KOICA ប្រចាំកម្ពុជា និងលោកជំទាវ លោក លោកស្រីតំណាងក្រសួងពាក់ព័ន្ធជាច្រើនរូបទៀត។ នៅក្នុងពិធីប្រគល់ និងទទួលឯកសារគោលនយោបាយ និងយុទ្ធសាស្ត្ររបស់ក្រសួងអភិវឌ្ឍន៍ជនបទ ឯកឧត្តមឧបនា យករដ្ឋមន្ត្រី យឹម ឆៃលី ប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ បានថ្លែងឲ្យដឹងថា រាជរដ្ឋាភិបាល បានចាត់ទុកថា ឯកសារគោលនយោបាយ និងយុទ្ធសាស្ត្ររបស់ក្រសួងអភិវឌ្ឍន៍ជនបទនៅពេលនេះ គឺជាឯកសារដ៏ មានសារៈសំខាន់របស់ក្រសួងអភិវឌ្ឍន៍ជនបទ ក្នុងការចង្អុលទិសសម្រាប់ក្រសួងនេះ ត្រូវអនុវត្តន៍លើការងារអភិវឌ្ឍន៍ ជនបទ ដែលជាវិស័យអាទិភាពមួយក្នុងចំណោមវិស័យអាទិភាពនានាមួយចំនួនទៀត របស់រាជរដ្ឋាភិបាល ក្នុងការប្រ យុទ្ទប្រឆាំងនឹងភាពក្រីក្រ។ ឯកឧត្តមបានបន្តទៀតថា រាជរដ្ឋាភិបាលកម្ពុជា នៃនីតិកាលទី៤ នៃរដ្ឋសភា ដែលមាន សម្តេចអគ្គមហាសេនាបតីតេជោ ហ៊ុន សែន ជាប្រមុខ មានភារកិច្ចដ៏ឧត្តុងឧត្តមដើម្បីបន្តបេសកកម្មពីរាជរដ្ឋាភិបាល អាណត្តិទី៣ ក្នុងការឆ្លើយតប និងអនុវត្តយុទ្ធសាស្ត្រចតុកោណដំណាក់កាលទី១ មកដំណាក់កាលទី២ ដោយការប្តេជ្ញា ចិត្តមោះមុត ក្នុងការបន្តអនុវត្តវិស័យអភិវឌ្ឍន៍ជនបទ ក្នុងគោលដៅបម្រើនូវឧត្តមប្រយោជន៍ របស់ប្រទេសជាតិមាតុ ភូមិ និងឆ្លើយតបទៅនឹងសំណូមពរ និងសេចក្តីត្រូវការរបស់ប្រជាជនកម្ពុជា។ ឯកឧត្តម យឹម ឆៃលី បានបញ្ជាក់ថា ក្រសួងអភិវឌ្ឍន៍ជនបទ គឺជាស្ថាប័នមួយដ៏មានសារៈសំខាន់ក្នុងការធ្វើជាស្ពាន ចម្លងនូវសេចក្តីត្រូវការរបស់ប្រជាជនមកក្រសួង ស្ថាប័នពាក់ព័ន្ធ នៃរាជរដ្ឋាភិបាល ដើម្បីឆ្លើយតបទៅនឹងតម្រូវការ របស់ប្រជាជន។ ក្នុងន័យនេះ ក្រសួងអភិវឌ្ឍន៍ជនបទ ជាស្ថាប័នឈានមុខគេនៃការអនុវត្តគោលនយោបាយវិមជ្ឈការ របស់រាជរដ្ឋាភិបាល។ ឯកឧត្តម បានបន្តថា ការអភិវឌ្ឍន៍តាមបែបវិមជ្ឈការ គឺជាការជម្រុញឲ្យមានការប្រើប្រាស់ធន ធានក្នុងមូលដ្ឋាន និងខាងក្រៅមូលដ្ឋានឲ្យចំទិសដៅ និងប្រកបដោយប្រសិទ្ធភាព តម្លាភាព គណនេយ្យភាព និងមានអត្តន័យនៃការពង្រឹងលទ្ធិប្រជាធិបតេយ្យនៅមូលដ្ឋាន សិទ្ធិសេរីភាពរបស់ប្រជាពលរដ្ឋ និងការកាត់បន្ថយភាព ក្រីក្ររបស់ប្រជាជន។ ឯកឧត្តមបានបន្ថែមថា ដូចនេះការអនុវត្តគោលនយោបាយ និងយុទ្ធសាស្ត្ររបស់ក្រសួងអភិវឌ្ឍ ន៍ជនបទ មិនមែនសម្រាប់តែការកែលម្អរកម្រិតជីវភាពរស់នៅរបស់ប្រជាជនប៉ុណ្ណោះទេ តែមានអត្ថន័យទូលំទូលាយ និងវិសាលភាពធំធេងដល់ការអនុវត្តគោលនយោបាយសំខាន់ៗរបស់រដ្ឋាភិបាលនៃនីតិកាលទី៤នៃរដ្ឋសភា។ ស្របពេលជាមួយគ្នានេះផងដែរ ឯកឧត្តម ជា សុផារ៉ា រដ្ឋមន្ត្រីក្រសួងអភិវឌ្ឍន៍ជនបទ បានមានប្រសាសន៍ផងដែរថា ក្រសួងអភិវឌ្ឍន៍ជនបទ បានបង្កើតឡើងជាផ្លូវការនៅក្នុងខែកញ្ញា ឆ្នាំ១៩៩៣ ក្នុងគោលបំណងលើកស្ទួយកម្រិតជីវភា ពរស់នៅរបស់ប្រជាពលរដ្ឋនៅជនបទ តាមរយៈការស្តារ និងអភិវឌ្ឍន៍ហេដ្ឋារចនាសម្ព័ន្ធជនបទ ការងារអភិវឌ្ឍន៍សហ គមន៍ ការផ្គត់ផ្គង់ទឹក ការថែទាំសុខភាព និងអនាម័យនៅជនបទ ការលើកកម្ពស់ប្រាក់ចំណូលតាមរយៈការបង្កើតមុខ របរជំនួញ និងសេវាកម្មនានានៅជនបទ ការបណ្តុះបណ្តាលវិជ្ជាជីវៈ ការពង្រីកសមត្ថភាព ការរៀបចំហេដ្ឋារចនាសម្ព័ន្ធ អភិវឌ្ឍន៍ជនបទ។ ឯកឧត្តម ជា សុផារ៉ា បានបន្តឲ្យដឹងទៀតថា ស្ថិតនៅក្នុងបេសកកម្មដ៏មានសារៈសំខាន់នេះ ក្រសួងអភិវឌ្ឍន៍ជនបទ បាននិងកំពុងរៀបចំផែនការយុទ្ធសាស្រ្ត ដើម្បីអនុវត្តកម្មវិធីអភិវឌ្ឍន៍ជនបទចម្រុះ នៅតាមមូលដ្ឋាន ភូមិ ឃុំ ស្រុក ខេត្ត-ក្រុង នៅទូទាំងប្រទេស ដំណើរការអនុវត្តយុទ្ធសាស្ត្រកាត់បន្ថយភាពក្រីក្រនៅកម្ពុជា និងឈានទៅសម្រេចបាន នូវទិសដៅអភិវឌ្ឍន៍សហស្សវត្សរ៍កម្ពុជានាឆ្នាំ២០១៥។ ឯកឧត្តមបានឲ្យដឹងទៀតថា ការអនុវត្តយុទ្ធសាស្ត្រចតុកោណ នៅដំណាក់កាលទី១ របស់រាជរដ្ឋាភិបាលកម្ពុជា ដែលដឹកនាំដោយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានបញ្ចប់ដោយជោគជ័យ ដោយទទួលបាននូវកំណើនសេដ្ឋកិច្ច ១១.២% ជាមធ្យម និងបានកាត់បន្ថយភាពក្រីក្ររបស់ប្រជាពលរដ្ឋ ពី៤៧% ក្នុងឆ្នាំ១៩៩៤ នៅក្នុងឆ្នាំ២០០៤ និងមានការថយ ចុះជាវិជ្ជមាននៅឆ្នាំ២០០៧ ហើយបានថយចុះ ១% ជាមធ្យមក្នុងមួយឆ្នាំ ស្របពេលនឹងកំណើនសេដ្ឋកិច្ចសម្រេចបាន ៧% ក្នុងឆ្នាំ២០០៨។ ឯកឧត្តមបានបន្ថែមថា សមិទ្ធផលទាំងអស់នេះ បានឆ្លុះបញ្ចាំងឲ្យឃើញនូវទស្សនៈវិស័យយូរ អង្វែង របស់រាជរដ្ឋាភិបាលកម្ពុជា ក្នុងការអភិវឌ្ឍន៍ប្រទេសកម្ពុជា មួយប្រកបដោយសន្តិភាព ការបង្រួបបង្រួមជាតិ និងការអភិវឌ្ឍន៍។ ឯកឧត្តម ជា សុផារ៉ា បានបញ្ជាក់ឲ្យដឹងផងដែរថា ក្រសួងអភិវឌ្ឍន៍ជនបទ បានរៀបចំឯកសារផែនការយុទ្ធសាស្ត្រ និងគោលនយោបាយជាច្រើនដូចជា ១,គោលនយោបាយផ្លូវជនបទកម្ពុជា។ ២,គោលនយោបាយជាតិស្តីពីការផ្គត់ ផ្គង់ទឹកស្អាត និងអនាម័យ។ ៣,គោលនយោបាយជាតិ ស្តីពីការថែទាំសុខភាពបឋម។ ៤,គោលនយោបាយជាតិ ស្តីពី ការអភិវឌ្ឍន៍ជនជាតិភាគតិច។ ៥,គោលនយោបាយ និងយុទ្ធសាស្ត្រក្នុងវិស័យឥណទានជនបទ និង៦,ការរៀបចំ និង ពង្រឹងគណៈកម្មាធិការអភិវឌ្ឍន៍ភូមិ។ សូមគួររំលឹកផងដែរថា ពិធីប្រគល់ និងទទួលឯកសារគោលនយោបាយ និងយុទ្ធសាស្ត្ររបស់ក្រសួងអភិវឌ្ឍន៍ជនបទ នាពេលនេះស្ថិតនៅក្រោមជំនួយពីទីភ្នាក់ងារសហប្រតិបត្តិការអន្តរជាតិសាធារណៈរដ្ឋកូរ៉េ ដែលហៅកាត់ថា KOICA៕

Copyright © meatophumyoeung.org

All rights reserved. E-mail: info@meatophumyoeung.org, web master by IDS Cambodia, WEB MAIL