ថៃ្ងទី១៤ ខែសីហា ឆ្នាំ២០០៨

អាល្លឺម៉ង់ផ្តល់បា្រក់ជាង ៦០,០០០,០០០ ដុល្លាដល់កម្ពុជាសំរាប់អភិវឌ្ឍន៏សង្គម

ឯកឧត្តមឧបនាយករដ្ឋមន្ត្រី ហោ ណាំហុង រដ្ឋមន្រ្តីក្រសួងការបរទេស និង សហប្រតិបត្តិការអន្តរជាតិ និង លោក ហ្វ្រាំង្ក ម៉ាកូសម៉ាន់ (Frank marcus Mann) ឯកអគ្គរដ្ឋទូតនៃ សាធារណរដ្ឋសហព័ន្ធអាល្លឺម៉ង់ ប្រចាំនៅ កម្ពុជា កាលពីព្រឹកថ្ងៃទី១៣ ខែសីហា ឆ្នាំ២០០៨ បានចុះហត្ថលេខាលើកិច្ចព្រមព្រៀង ២ រវាងរដ្ឋាភិបាល កម្ពុជា ជាមួយនិងរដ្ឋាភិបាលនៃ សាធារណ រដ្ឋសហព័ន្ធអាល្លឺម៉ង់ ។

ឯកឧត្តម ហោ ណាំហុង មានប្រសាសន៏ប្រាប់ឱ្យដឹងថា ក្នុងជំនួបនេះយើងបានចុះហត្ថលេខា លើកិច្ចព្រមព្រៀងទី ១ ស្តីពី កិច្ចព្រមព្រៀងចំនួន ២ ជាមួយប្រទេស អាល្លឺម៉ង់ ផ្តល់ទឹកប្រាក់មានចំនួន ១៨,០០០,០០០ អឺរ៉ូ (ប្រហែលជាង ៣០,០០០,០០០ ដុល្លារ) សំរាប់យកទៅលើគំរោងសុខភាពបន្តពូជ (លើកទី ៣) សុខភាពសង្គម ដំឡើងបណ្តាញអគ្គិសនី នៅជនបទ (លើកទី ២) និង ការកសាងហេដ្ឋារចនាសម្ព័ន្ធជនបទ នៅខេត្ត សៀមរាប និង ខេត្ត កំពង់ធំ ។

កិច្ចព្រមព្រៀងទី ២ ស្តីពីកិច្ចសហប្រតិបត្តិការបច្ចេកទេសឆ្នាំ២០០៧ អាល្លឺម៉ង់ ផ្តល់ទឹកប្រាក់ចំនួន ១៦,៦៥០,០០០ អឺរ៉ូ (ប្រហែល ៣០,០០០,០០០ ដុល្លារ) សំរាប់យកទៅប្រើការលើគំរោងសុខភាពសង្គម ការគាំទ្រកំណែទំរង់ ការគ្រប់គ្រងដី ធ្លី គំរោងថាមពល (ការកកើតឡើងវិញ) គំរោងខាងអាជ្ញាធរសវនកម្មជាតិ (អូឌីត) គំរោងកំណែរទំរង់រដ្ឋបាល និង សហវិ មជ្ឍការ (លើកទី ៣) ជួយខាងសិទ្ធិនារី និង គំរោងជួយគ្រួសារជនក្រីក្រ (លើកទី ២) ។

ដោយមានកិច្ចសហការល្អ ប្រទេស អាល្លឺម៉ង់ នឹងបន្តជួយដល់ប្រទេស កម្ពុជា ជាបន្តទៀត លុះត្រាប្រទេស កម្ពុជា មាន ការរីកចំរើនកាន់តែខ្លាំងឡើង។