ថៃ្ងទី១៣ ខែសីហា ឆ្នាំ២០០៨

ជំនួបពិភាក្សារវាងឯកឧត្តមឧបនាយករដ្ឋមន្រ្តី សុខ អាន ជាមួយលោកជំទាវឯកអគ្គរដ្ឋទូតអូស្រ្តាលី

កាលថ្ងៃទី១២ ខែសីហា ឆ្នាំ២០០៨ នៅ ទីស្តីការគណៈរដ្ឋមន្រ្តី ឯកឧត្តមឧបនាយករដ្ឋមន្រ្តី សុខ អាន រដ្ឋមន្រ្តីទទួលបន្ទុកទីស្តី ការ គណៈរដ្ឋមន្រ្តី បានអនុញ្ញាតិឱ្យលោកជំទាវ ម៉ាក់ការ៉ែត អាដាម ជាឯកអគ្គរដ្ឋទូតនៃប្រទេស អូស្ត្រាលី ប្រចាំនៅ ព្រះរាជណា ចក្រកម្ពុជា ចូលជួបដើមី្បពិភាក្សាអំពីបញ្ហាមួយចំនួន ។ ក្នុងកិច្ចពិភាក្សានោះ គឺមានបញ្ហាការអភិរក្ស ប្រាសាទអង្គរវត្ត បញ្ហា ទូទៅពាក់ព័ន្ធនឹងការបោះឆ្នោត ហើយនឹងបញ្ហានៃការចរចាររវាង កម្ពុជា និង ក្រុមហ៊ុន ស្តីពីបញ្ហាពាណិជ្ជកម្មលើផ្លូវរថ ភ្លើងនៅក្នុង ប្រទេសកម្ពុជា ។ ដូច្នេះនៅក្នុងបញ្ហាអភិរក្សជួសជុល ប្រាសាទអង្គរវត្ត ប្រទេស អូស្ត្រាលី បានបញ្ជាក់ជាថ្មី ឡើងវិញម្តងទៀត នៅការគាំទ្រយ៉ាងពេញទំហឹង ក្នុងកិច្ចអភិរក្ស ប្រាសាទអង្គរវត្ត នៅក្នុងក្របខ័ណ្ឌនៃគំរោងការអភិរក្ស ប្រាសាទអង្គរវត្ត របស់ អូស្ត្រាលី ។ ហើយនៅក្នុងគំរោងនេះ នឹងមានការចុះហត្ថលេខាទៅលើបញ្ហាជំនួយ ដែលជាបញ្ហា មួយពាក់ព័ន្ធទៅនឹងប្រទេស កម្ពុជា ប្រទេស អូស្រ្តាលី និង UNESCO។ បន្ទាប់មកទៀត ក៏មានការពិភាក្សាអំពីការបោះឆ្នោត ទូទៅ ។ តាមប្រសាសន៍របស់ ឯកឧត្តមឧបនាយករដ្ឋមន្រ្តី សុខ អាន ប្រាសាទអង្គរវត្ត បានត្រូវចុះបញ្ជីបេតិកភណ្ឌពិភពលោក តាំងពី ឆ្នាំ១៩៩២ ហើយយើងកំពុងតែរៀបចំគំរោងគ្រប់គ្រង ប្រាសាទអង្គរវត្ត ឱ្យបានពេញលេញជាស្ថាពរ ហើយនៅក្នុង នោះទៀត ឯកឧត្តមឧបនាយករដ្ឋមន្រ្តី សុខ អាន មានការអប់រំនៅក្នុងចិត្តយ៉ាងខ្លាំង ដែលប្រទេស អូស្ត្រាលី បានបញ្ជាក់ជា ថ្មីម្តងទៀត នៅចំណុចគាំទ្ររបស់ប្រទេស អូស្ត្រាលី ចំពោះការអភិរក្ស ប្រាសាទអង្គរវត្ត ជាបន្តទៅទៀត ។ ហើយ ឯកឧត្តម ឧបនាយករដ្ឋមន្រ្តី សុខ អាន សង្ឃឹមថា និងមានការចុះហត្ថលេខាខាងមុខនេះ ។

ចំពោះបញ្ហាបោះឆ្នោតទូទៅ ដែលគឺជាការបោះឆ្នោតជាតិ ដើមី្បរើសសមាជិកសភានៅ ព្រះរាជាណាចក្រកម្ពុជា កាលពីថ្ងៃទី ២៧ ខែកក្កដា ឆ្នាំ២០០៨ កន្លងទៅនេះ ខាងប្រទេស អូស្ត្រាលី មានអ្នកសង្កេតការណ៍ចេញមកពីសភាប្រទេស អូស្ត្រាលី ហើយស្ថានទូត អូស្ត្រាលី នៅប្រទេស កម្ពុជា ខ្លួនឯង ក៏បានបញ្ជូនក្រុមអ្នកសង្កេតការណ៍ចំនួន ១០ ក្រុម ឱ្យទៅសង្កេតការ ណ៍នៅក្នុងប្រទេសកម្ពុជា មានចំនួនអ្នកសង្កេតការណ៍បានទៅសង្កេតការណ៍នៅក្នុងទីក្រុង ភ្នំពេញ ខេត្ត បាត់ដំបង និង នៅ តាមបណ្តារខេត្តផ្សេងៗទៀត ។ ការសង្កេតទាំងនោះ និង ការចាប់អារម្មណ៍ទូទៅ ខាង អូស្ត្រាលី បានបញ្ជាក់ថា ការបោះ ឆ្នោតសភាអាណត្តិទី ៤ នេះ មានប្រសិទ្ធភាពច្រើនជាងការបោះឆ្នោតសភាអាណត្តិមុនៗ គឺប្រសិទ្ធភាពនៃការងារគណៈកម្មា ធិការជាតិរៀបចំការបោះឆ្នោត និង ប្រសិទ្ធភាពនៃដំនើរកររៀបចំការបោះឆ្នោត ។ ហើយនៅថ្ងៃបោះឆ្នោតនេះទៀត ដំណើរ ប្រព្រឹត្តទៅមានដំណើរការណ៍ល្អប្រពៃជាងពេលមុន ។

ចំពោះបញ្ហាបោះឆ្នោត ឯកឧត្តមឧបនាយករដ្ឋមន្រ្តី សុខ អាន បានជម្រាបថា ប្រទេស កម្ពុជា នឹងខិតខំធ្វើឱ្យកិច្ចការបោះ ឆ្នោតនេះ ឱ្យកាន់តែប្រសើរឡើងពីមួយឆ្នាំទៅមួយអាណត្តិទៅមួយអាណតិ្ត ហើយឯកឧត្តមក៏បានបញ្ជាក់ផងដែរថា ប្រជា ពលរដ្ឋខែ្មរកាន់តែមានការចេះដឹងជ្រៅជ្រះ ហើយកាន់តែមានការចេះដឹង ក្នុងប្រើសិទ្ធរបស់ខ្លួន ក្នុងការបោះឆ្នោតនេះ បញ្ជាក់ថា ក្នុងសម័យកាលដែលដឹកនាំដោយ សម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្រ្តី ព្រះរាជាណា ចក្រកម្ពុជា ដោយប្រទេស កម្ពុជា ទទួលបាននូវស្ថិរភាពនយោបាយ មានសន្តិសុខក្នុងសង្គម ដូច្នេះហើយទើបប្រជាពល រដ្ឋ ខ្មែរមានលទ្ធភាពទទួលនូវការចេះដឹង អំពីវប្បធម៌សម័យថ្មីនៃសង្គមមនុស្ស ហើយក៏ចេះប្រើសិទ្ធរបស់ខ្លួន ក្នុងការ បោះឆ្នោត ហើយបញ្ជាក់ផងដែរថា លិទ្ធប្រជាធិបតេយ្យបាននឹងកំពុងចាក់ឫសយ៉ាងខ្លាំងក្នុងទឹកដី កម្ពុជា ។

បន្ទាប់មកទៀត ក៏មានការពិភាក្សាទៅលើបញ្ហាពាណិជ្ជកម្ម ពាក់ព័ន្ធទៅនិងរថភ្លើងនៅក្នុងប្រទេស កម្ពុជា ។ ក្នុងនោះភាគី ខាងប្រទេស កម្ពុជា និង ក្រុមហ៊ុនរបស់ប្រទេសអូស្ត្រាលីកំពុងតែធ្វើការចរចារ គឺជាការចរចារ ដែលមិនមែនស្ថិតនៅ ក្រោមការគ្របដណ្តប់របស់រាជរដ្ឋាភិបាលប្រទេស អូស្ត្រាលី ទេ ក៏ប៉ុន្តែជាការចរចារមួយ ដែលជាការចរចារជាលក្ខណៈពា ណិជ្ជកម្ម រវាងរដ្ឋាភិបាល ក្រុមហ៊ុន (Tolls) ជាមួយនឹងក្រុមហ៊ុននៃប្រទេសកម្ពុជា ដែលជាក្រុមហ៊ុនរថភ្លើងរបស់រដ្ឋ ។

នៅក្នុងនោះទៀត ក៏មានការពិភាក្សាពីតុលាការខ្មែរក្រហម លោកជំទាវឯកអគ្គររដ្ឋទូតនៃប្រទេស អូស្ត្រាលី បានបង្ហាញពីការ គាំទ្រយ៉ាងខ្លាំង ចំពោះដំណើរការនៃតុលាការកាត់ក្តីខ្មែរក្រហម ក្នុងនោះលោកស្រីឯកអគ្គរដ្ឋទូតបានទទួលស្គាល់ថា តុលា ការនេះ មានដំណើរការប្រព្រឹត្តទៅក្នុងលក្ខណៈល្អប្រពៃ ប្រកបដោយប្រសិទ្ធិភាព ។

ចំពោះការអភិរក្ស ប្រាសាទអង្គរវត្ត ឯកឧត្តម ប៉ែន ងឿន ទីប្រឹក្សាអម ទីស្តីការគណៈរដ្ឋមន្រ្តី មានប្រសាសន៍បន្ទាប់ពីចប់ ជំនួបពិភាក្សាដូច្នេះថា ។