ថៃ្ងទី១៣ ខែសីហា ឆ្នាំ២០០៨

ប្រាសាទតាមាន់ធំ
 

យោងតាមសេចក្ដីប្រកាសព័ត៌មានរបស់ក្រសួងការបរទេស និង សហប្រតិបត្ដិការអន្ដរជាតិ ដែលបានថ្លែងប្រកាស ៤ ចំ នុច ក្នុងន័យបង្ហាញពីជំហររបស់កម្ពុជាជុំវិញបញ្ហា ប្រាសាទតាមាន់ ដែលមាន ប្រាសាទតាមាន់តូច ប្រាសាទតាមាន់ធំ ដោយ បានអះអាងថា ប្រាសាទដែលស្ថិតនៅលើជួរភ្នំដងរែកមានទីតាំងក្នុងដែនដី កម្ពុជា ។

ជាការពិតណាស់ ការសំអាងនេះ គឺត្រូវបានយោងទៅតាមកំណត់ហេតុ នៃការបោះបង្គោលសីមាលេខ ២២ លើតំបន់ ៤ នៃ គណៈកម្មាការខណ្ឌសីមាព្រំដែនរវាង ឥណ្ឌូចិន និង សៀម ដែលមានចំនងជើងថា ផ្លូវលំឈ្មោះ ប្រាសាទតាមាន់ ចុះថ្ងៃទី៣០ ខែធ្នូ ឆ្នាំ១៩០៨ និង ផែនគំនូសបង្ហាញនូវឋានលេខា ប្រាសាទតាមាន់ធំ និង ប្រាសាទតាមាន់តូច ស្ថិតនៅក្នុងដែនដីប្រទេស កម្ពុជា ទោះបីជាបង្គោលព្រំដែនលេខ ២៣ ដែលកំណត់សីមាព្រំដែន នៅតំបន់នោះត្រូវបានបាត់បង់ទៅហើយក្ដី ។ ចុះស្ថាន ការណ៏នៅ ប្រាសាទតាមាន់ធំ នោះយ៉ាងណាទៅ ?

បើតាមសេចក្ដីរាយការណ៏ពីខាងតំបន់ ប្រាសាទតាមាន់ធំ គេសង្កេតឃើញថា នៅវេលាម៉ោង ៧ ព្រឹក ថ្ងៃទី១២ ខែសីហា កងទ័ព កម្ពុជា កងពលលេខ ៤២ ដែលមានកំលាំងកងល្បាតការពារព្រំដែនគោកលេខ ៤០២ បានរំកិលចូលពីចំណុចឈរ ជើងពីមុខ ដែលនៅចំងាយ ៣០០ ម៉ែត្រចូលទៅបោះទីតាំងនៅជាប់របង ដែលក្រុមទាហាន សៀម បានធ្វើរបងក្នុងការរា រាំងមិនឱ្យខាង កម្ពុជា ចូលទៅកាន់ ប្រាសាទតាមាន់ធំ នោះបាន ដែលចំនុចពីខឿនប្រាសាទមកដល់របងចាក់សោររបស់ទា ហាន សៀម នេះមានចំងាយប្រមាណ ៤០ ម៉ែត្រ ។

ទោះបីជាដឹងហើយថា ប្រាសាទតាមាន់ធំ មានទីតាំងនៅក្នុងភូមិសាស្ដ្រក្នុង ព្រះរាជាណាចក្រកម្ពុជា យ៉ាងណាក្ដីក៏ទាហាន សៀម បានចាប់ផ្ដើមធ្វើរបងហ៊ុមព័ទ្ឋយកដោយគ្មានការអៀនខ្មាស ដោយសំអាងលើលែសថាពួកគេបានកាន់កាប់លើប្រា សាទនេះយូរមកហើយ ។ អ្វីដែលរឹតតែគួរឱ្យកត់សំគាល់ទៅទៀតនោះគឺ ក្នុងខណៈពេលដែលមានប្រតិកម្មដំបូងពីសំណាក់ ភាគីកម្ពុជា ឬ ទោះបីជាមានការព្រមព្រៀងគ្នា នៅអូរស្មាច់កាលពីថ្ងៃទី៥ ខែសីហា យ៉ាងណាក្ដី ក៏គេនៅតែកត់សំគាល់ ឃើញថា សភាពការណ៏នៅឯ ប្រាសាទតាមាន់ធំ នៅតែមិនមានការផ្លាស់ប្ដូរឡើយ ដោយខាងភាគីទាហានឈុតខ្មៅ សៀម បានតម្រូវឱ្យទាហាន កម្ពុជា ចូលទៅខាងក្នុងបាន លុះណាតែពួកគេប្ដូរសំលៀកបំពាក់ជាជនស៊ីវិល ហើយចូលម្ដងបាន ត្រឹមតែពីពីរទៅ ៣ នាក់ប៉ុណ្ណោះ ។ ដោយអ្វីដែលពួកគេបានធ្វើឡើងនេះ បានបង្ហាញនូវចេតនានៃការរារាំងរបស់ទាហាន សៀម និង ចាត់ទុកថាប្រាសាទនេះជាប្រាសាទរបស់ខ្លួនទៅវិញ ។ ចុះតាមព័ត៌មានដែលទទួលបានមកគឺឮថា មានក្រុមជន ជាតិ ថៃ មកធ្វើពិធីលើ ប្រាសាទតាមាន់ធំ របស់ខ្មែរនោះយ៉ាងណាវិញដែរ ?

តាមព័ត៌មានដែលខ្ញុំបាទទទួលបានពីប្រភពមន្ដ្រីយោធាម្នាក់បានអោយដឹងថា ជនជាតិ សៀម បានរៀបចំពិធីមួយនៅលើ ប្រាសាទតាមាន់ធំ របស់ខ្មែរ ដោយមានគ្នាប្រមាណជា ១០០ ទៅ ១៥០ នាក់ ស្លៀកពាក់ស៊ីវិល ហើយក្នុងនោះ ក៏មានពួកទា ហាន សៀម ស្លៀកពាក់ជាជនស៊ីវិលផងដែរ ។ ជាចំងល់ផងដែរ យើងមិនដឹងថាពិធីនោះត្រូវបានប្រព្រឹត្ដទៅនៅក្នុង គោលបំណងអ្វីនោះទេ។

មិនថ្វីទេ ទោះជាមានការស្រែករំពង ឬ ក៏បង្កបរិយាកាសពីសំណាក់ជនជាតិ សៀម ដើម្បីឱ្យមានការយល់ច្រលំថា ប្រាសាទ តាមាន់ធំ តាមាន់តូច ដែលស្ថិតនៅលើទឹកដី កម្ពុជា ជារបស់ខ្លួនយ៉ាងណាក្ដី ក៏មិនអាចបំភ្លៃប្រវត្ដិសាស្ដ្រនោះបានឡើយ ។ យ៉ាងណាមិញ ជាមួយ កម្មវិធីមាតុភូមិយើង ឯកឧត្ដម ជុច ភឿន រដ្ឋលេខាធិការក្រសួងវប្បធម៌ និង វិចិត្រ សិល្បៈ បាន ផ្ដល់នូវបទសម្ភាសន៏ស្ដីអំពីអះអាងរបស់កម្ពុជាចំពោះ ប្រាសាទតាមាន់តូច និង តាមាន់ធំ នៅក្នុងដែនដីខ្មែរ ជាស្ថាបត្យកម្ម ខ្មែរ មានសិលាចារឹកជារបស់ខ្មែរ ។ កម្ពុជា មិនមែនចេះតែលើកឡើង ឬ អះអាងទៅតាមការរវើរវាយនោះទេ តែ កម្ពុជា មានភ័ស្ដុតាងយ៉ាងពិតប្រាកដ ដែលអាចអះអាងបានដោយសមហេតុសមផល និង ការជឿទុកចិត្ដលើខ្ល្លួនឯង ដោយ ឯកឧត្ដមបានលើកឡើងថាៈ ។

ជាមួយគ្នានោះដែរឯកឧត្ដមក៏បានសង្កត់ធ្ងន់បន្ថែមទៀតថា ។