|
|||||||||||||||||||||||
|
ថៃ្ងទី០៤ ខែកញ្ញា ឆ្នាំ២០០៨
រៀបចំប្រារព្វទិវាទឹកស្អាត និង
អនាម័យខ្លួនប្រាណលើកដំបូងនៅប្រទេសកម្ពុជា
កាលពីថ្ងៃទី៣
យើងបានដឹងរួចមកហើយថា រាជធានីភ្នំពេញ បានធ្វើឱ្យប្រសើរឡើង នូវប្រព័ន្ធទឹកតាមរយៈអាជ្ញាធរផ្គត់ផ្គង់ទឹក រាជធានីភ្នំ ពេញ ហើយកំពុងធ្វើការងារបន្ថែមទៀត ដើម្បីដោះស្រាយបញ្ហគ្រប់គ្រងទឹកកខ្វក់ និង សុខភាពសាធារណៈដូចជា សេវា កម្មអនាម័យមិនគ្រប់គ្រាន់នៅតាមតំបន់ជាយក្រុង ។ ហើយម្យ៉ាងវិញទៀត ទិវាទឹកស្អាតអនាម័យ និង អនាម័យខ្លួនប្រាណជាលើកដំបូងនៅរាជធានីភ្នំពេញ និង មានការដង្ហែ ក្បួនរបស់សិស្សានុសិស្សនៅខណ្ឌឬស្សីកែវ ហើយនិងថ្លែងសុន្ទរកថា ដោយលោកស្រី ឃេត ក្រាហ័រ ប្រធានការិយាល័យ សុខភាពសាធារណៈ និង អប់រំរបស់ UDAID ប្រចាំនៅ ប្រទេសកម្ពុជា ។ សកម្មភាពនៅទិវានេះ រួមមានការធ្វើបង្ហាញពីពិធីលាងដៃ ការលាងដៃរបស់សហគមន៏ ដែលបង្ហាញដោយសិស្សានុ សិស្ស និង ការចែកឯកសារអប់រំ ស្ដីពីទំលាប់អនាម័យល្អ និង ភាពស្អាត ។ ហើយសកម្មភាពទាំងនេះ នឹងត្រូវបានយក ទៅអនុវត្ដពេញទីក្រុង និង ទូទាំងប្រទេសកម្ពុជា ។ ទិវាទឹកស្អាតអនាម័យ និង អនាម័យខ្លួនប្រាណនឹងកើតមានឡើង បន្ទាប់ពីមានការរៀបចំជាច្រើនខែមកហើយ ។ ដោយ មានការគាំទ្រពី (Eco-Asia) ។ គណៈកម្មាធិការអភិវឌ្ឍន៏ ក្រុងភ្នំពេញ បានធ្វើការអង្កេតផ្នែកសុខភាព ស្ដីពីទឹកកខ្វក់ ទឹកលូ ស្ថានភាពសុខភាព និង ផែនការអនាម័យ នៅក្នុងខ័ណ្ឌ ឬស្សីកែវ រាជធានីភ្នំពេញ ។ បន្ទាប់មក សាលាក្រុងភ្នំពេញ បានរៀប ចំឯកសារ សំរាប់ធ្វើការអប់រំស្ដីពីអនាម័យ និង អនាម័យខ្លួនប្រាណ ។ ទិវានេះ និង ផ្ដោតលើការពន្លឿន និង បង្កើនការ វិនិយោគ នៅក្នុងការកែលំអរអនាម័យ ដោយកត់សំគាល់ថា ការបាត់បង់ផ្នែកសេដ្ឋកិច្ច ដែលបណ្ដាលមកពីកង្វះអនាម័យ បង្ហាញ ឱ្យឃើញហេតុផលសមស្រប នៃការវិនិយោគលើបង្គន់ ឧបករណ៏សំអាត និង យុទ្ធនាការសំអាតដៃ ។ ហើយកម្មវិធី (Eco-Asia) របស់ UDAID និង លើកស្ទួយដល់កិច្ចសហប្រតិបត្ដិការបរិស្ថានក្នុងតំបន់ តាមរយៈការបង្ហាញ ពីការអនុវត្ដន៏ល្អៗ និង ការពង្រឹងស្ថាប័ន និង បណ្ដេញថ្នាក់តំបន់ទូទាំងអាស៊ីអាគ្នេយ៏ និង អាស៊ីខាងត្បូង ។ នេះឆ្លុះបញ្ជាំងឱ្យឃើញថា រាជរដ្ឋាភិបាល កម្ពុជា ដែលដឹកនាំ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃ ព្រះរាជាណាចក្រកម្ពុជា បានយកចិត្ដទុកដាក់ខ្ពស់លើសុខមាលភាពប្រជាពលរដ្ឋខ្មែរ ។ ដូចដែលបានគូសបញ្ជាក់ នៅក្នុងផែនការយុទ្ធនាការយុទ្ធសាស្ដ្រវិស័យសុខាភិបាល បើកទូលាយសំរាប់ឆ្នាំ២០០៣-២០០៧ រាជរដ្ឋាភិបាល និង បង្កើនការប្រើប្រាស់ធនធានសាធារណៈ និង ជំនួយអន្ដរជាតិ ព្រមទាំងបន្ដលើកទឹកចិត្ដដល់ ផ្នែកឯកជន ដើម្បីបង្កើនការវិនិយោគក្នុងវិស័យសុខាភិបាល សំដៅលើកកំពស់សុខភាពរបស់ប្រជាពលរដ្ឋ ។ អាទិភាពនិងត្រូវបានបន្ដផ្ដល់ទៅលើការកសាងមន្ទីពេទ្យបង្អែក និង មណ្ឌលសុខភាពនៅទូទាំងប្រទេស ដែលអាចផ្គត់ផ្គង់ សេវាសុខាភិបាលមូលដ្ឋាន ប្រកបដោយប្រសិទ្ធភាព សមធម៍ និង និរន្ដរភាព ជូនដល់ប្រជាពលរដ្ឋគ្រប់រូប ជាពិសេស ជនក្រីក្រ និង ក្រុមជនរងគ្រោះ ។ រាជរដ្ឋាភិបាល និង បន្ដផ្ដោតការយកចិត្ដទុកដាក់ លើការអនុវត្ដន៍កម្មវិធីបង្ការ និង ព្យា បាលជម្ងឺឆ្លងនានា ការគាំពារមាតា និង ទារក ដើម្បីកាត់បន្ថយអត្រាមរណភាពមាតា និង ទារក ការសង្ក្រោះបន្ទាន់ ព្រម ទាំងការអប់រំ និងផ្សព្វផ្សាយពត៍មានសុខាបាល និង អនាម័យឱ្យបានទូលំទូលាយ ជាពិសេសដល់ជនបទ ។ ប្រជាពលរដ្ឋ ក្រីក្រត្រូវទទួលបាននូវការពិនិត្យ ដោយឥតគិតថ្លៃនៅតាមមន្ទីរពេទ្យបង្អែក និង មណ្ឌលសុខភាព ។ រាជរដ្ឋាភិបាលប្ដូរផ្ដាច់ជម្រុញការរៀបចំ និង អនុវត្ដន៍ច្បាប់ និង បទបញ្ញាត្ដិនានា ពាក់ព័ន្ធនិងវិស័យសុខាភិបាល ឱ្យមាន ប្រសិទ្ធភាព ដើម្បីធានាស្ដង់ដាគុណភាពខ្ពស់មួយក្នុងការផ្គត់ផ្គង់សេវាសុខភាព និង បន្ដអនុវត្ដន៍គោលនយោបាយ លើក ទឹកចិត្ដការប្រើប្រាស់ឧសថបូរាណគួបផ្សំនឹងឧសថសម័យ ដោយមានការផ្ដល់ពត៍មាន និង ការត្រួតពិនិត្យត្រឹមត្រូវ ។ |
||||||||||||||||||||||
|
|||||||||||||||||||||||
