ថៃ្ងទី០៤ ខែកញ្ញា ឆ្នាំ២០០៨

ស្ថានភាពបច្ចុប្បន្ននៅឯទីក្រុងបាងកក

តាមបណ្ដាញសារព័ត៌មាននៃប្រទេសថៃដែលបានចុះផ្សាយនាថ្ងៃទី៤ ខែកញ្ញា ឆ្នាំ២០០៨ នេះ បានឱ្យដឹងថា ឯកឧត្ដម សាម៉ាក់ ស៊ុនដារ៉ាវេដ នាយករដ្ឋមន្ដ្រីនៃព្រះរាជាណាចក្រថៃ នឹងមិនលាលែងចេញពីតំណែងឡើយ ហើយក៏មិនមានការរំ លាយរដ្ឋសភាណាមួយកើតមាននោះដែរ ។ លោកបានបញ្ជាក់ឱ្យដឹងផងដែរថា លោកនឹងនៅតែបន្ដទៅទៀត ដើម្បីការពារ លទ្ឋិប្រជាធិបតេយ្យរបស់ប្រទេសថៃ ។

នៅក្នុងថ្ងៃដដែលនេះផងដែរ លោក សាម៉ាក់ បានប្រជុំគណៈរដ្ឋមន្ដ្រីពិសេសមួយ នៅឯអគ្កលេខាធិការដ្ឋាន ឧត្ដមបញ្ជា ការ នៅក្នុងកិច្ចប្រឹងប្រែងមួយ ដើម្បីស្វែងរកមធ្យោបាយដោះស្រាយវិបត្ដិនយោបាយ ហើយកិច្ចប្រជុំគណៈរដ្ឋមន្ដ្រីបាន ឯកភាពឱ្យធ្វើប្រជាមតិសាធារណៈមួយ ។ រដ្ឋមន្ដ្រីក្រសួងវប្បធម៌ លោក សុំ សក្ដិ បានថ្លែងប្រាប់អ្នកសារព័ត៌មានឱ្យដឹង ផងដែរថា ការិយាល័យក្រុមប្រឹក្សារដ្ឋ នៃប្រទេសថៃនឹងពិចារណាច្បាប់ទាក់ទងនឹងការធ្វើប្រជាមតិនេះ ។

ដោយឡែកនៅថ្ងៃនេះដែរ លោក តេក ប៊ុនណាក រដ្ឋមន្ដ្រីនៃក្រសួងការបរទេសថៃ បានធ្វើលិខិតផ្ញើជូនលោក សាម៉ាក់ ស៊ុនដារ៉ាវេដ ដោយបានថ្លែងបញ្ជាក់ថា មានភាគីជាច្រើនបានដាក់សំពាធ ឱ្យលោកលាលែងចេញពីតំណែងរដ្ឋមន្ដ្រីការ បរទេសនេះ ។ ហើយលោក សាម៉ាក់ ក៏បានថ្លែងអំណរគុណដល់លោក តេក ដែលបានជួយធ្វើការងាររដ្ឋាភិបាលរបស់ លោកហើយថា លោកមិនមានជំលោះជាមួយលោក តេក នោះឡើយ។