ថៃ្ងទី០៣ ខែកញ្ញា ឆ្នាំ២០០៨

ជំនួបរវាងឯកឧត្ដមឧបនាយករដ្ឋមន្ដ្រី សុខ អាន ជួបជាមួយលោក Navin Shenoy អនុប្រធាន កុ្រមហ៊ុន Intel

ស្តីពីការបណ្តុះបណ្តាលលើវិស័យកុំព្យូទ័រ
 

កាលពីថ្ងៃទី០២ ខែកញ្ញា ឆ្នាំ២០០៨ នៅវេលាម៉ោង ៦:00 ល្ងាច ឯកឧត្ដមឧបនាយករដ្ឋមន្ដ្រី សុខ អាន រដ្ឋមន្ដ្រីទទួលបន្ទុក ទីស្ដីការគណរដ្ឋមន្ដ្រី បានអនុញ្ញាត្ដិឱ្យលោក Navin Shenoy អនុប្រធាន និង ជាអ្នកគ្រប់គ្រងក្រុមហ៊ុន Intel ប្រចាំនៅ អាស៊ី ចូលជួបដើម្បីពិគ្រោះការងារមួយចំនួន ដែលពាក់ព័ន្ធទៅនិងការបំពាក់ប្រព័ន្ធកំព្យូទ័រ ក្នុងប្រទេសកម្ពុជា ។
 

នៅក្នុងនោះលោក Navin Shenoy បានលើកឡើងនូវវិស័យចំនួន ៤ ដែលលោកយល់ឃើញថា ជាវិស័យជួយប្រ ទេសកម្ពុជា ដើម្បីឱ្យពលរដ្ឋកម្ពុជាទាំងអស់ ទទួលបាននូវចំនេះដឹង ខាងផ្នែកកំព្យូទ័រឱ្យកាន់តែខ្ពស់ឡើង ។ ក្នុងវិស័យ ទាំងបួននោះ មានិវស័យដូចជា ៖
 

 ទី១ ៖ វិស័យវិនិយោគទៅលើការអប់រំ ដែលក្នុងនោះលោក Shenoy បានលើកឡើងអំពីការចាំបាច់ ដើម្បីធ្វើឱ្យការហ្វឹក ហ្វឺនដល់គ្រូបង្រៀន ដើម្បីឱ្យគ្រូបង្រៀនទាំងនោះ មានចំនេះដឹងខាងកំព្យូទ័រ និង អាចយកចំនេះដឹងនេះ ទៅបង្រៀន និង ប្រើប្រាស់នៅក្នុងថា្នក់រៀន ។ ហើយម្ប៉ាងទៀត ក៏មានការធ្វើសមារហណកម្មទៅលើវិជ្ជាខាងផ្នែក Internet Technolo- gy ក្នុងសាលារៀន ។ កាលណាគ្រូបង្រៀនទទួលបានចំណេះដឹងខាង Internet អាចបំពាក់ការសិក្សា ដោយប្រព័ន្ធកុំព្យូទ័រ ជាពិសេសមុខវិជ្ជានៃការប្រើប្រាស់ប្រព័ន្ធកំព្យូទ័រ ។ នេះបញ្ជាក់ឱ្យឃើញថា វិនិយោគនៃការអប់រំមានវិសាលភាពធំធេង ណាស់ ដែលខាង Intel អាចនិងចូលមកវិនិយោគនៅក្នុងប្រទេសកម្ពុជា ។

 ទី២ ៖ ការអភិវឌ្ឍន៏ខាងផ្នែកហេដ្ឋារចនាសម្ព័ន ជាពិសេសហេដ្ឋារចនាសម្ព័ន្ឋ គាំទ្រប្រព័ន្ធ Internet ដែលហៅថា Broadband Infrastructure ។ Broadband Infrastructure មានន័យថាហេដ្ឋារចនាសម្ព័ន Broadband បានដែល សំរាប់គាំទ្រ Internet មានតំលៃថោក ក៏អាចជាការលើកទឹកចិត្ដ ឱ្យមានការប្រើប្រាស់់ប្រព័ន្ធ Internet កាន់តែច្រើនឡើង ផងដែរ ។ ដូច្នេះក្រុមហ៊ុន Intel អាចមកវិនិយោគនៅកម្ពុជា និងរៀបចំផ្ដល់យ៉ាងណា ដើម្បីឱ្យហេដ្ឋារចនាសម្ព័ន្ធ Broadband បានសំរាប់គាំទ្រ Internet ចុះថោក ដើម្បីអោយកាន់តែមានមនុស្សប្រើច្រើន ។

 ទី៣ ៖ គឺនៅក្នុងបញ្ហនោះ លុះត្រាតែអ្នកប្រើ Internet មានកំព្យូទ័រខ្លួនឯង ដូច្នេះបើកំព្យូទ័រនោះវាថ្លៃពេក ពិបាកនិងធ្វើ ឱ្យមនុស្សគ្មានលិទ្ធិភាពនិងការប្រើប្រាស់កំព្យូទ័រ ហើយ Intel កំពុងតែធ្វើការផលិតនូវកំព្យូទ័រ ដែលប្រើប្រាស់ Chip ។ Chip គឺជាសសៃគ្រឿងក្នុងរបស់កំព្យូទ័រ ដែលអាចធ្វើឱ្យកំព្យូទ័រដំណើរការបាន ហើយមានតំលៃថោក ទោះបីជាការប្រើ ប្រាស់កំព្យូទ័រ Laptop រឺ កំព្យូទ័រ Desktop ហើយបើកាលណាប្រើ Chip ដែលបង្កើតឡើងដោយក្រុមហ៊ុន Intel នេះ គឺកុំព្យូទ័រមានតំលៃតែ ២០០ ដុល្លាប៉ុណ្ណោះ ដែលអាចឱ្យប្រជាជនភាគច្រើនទទួលយកបាន ។

 ទី៤ ៖ គឺការអភិវឌ្ឍន៏ រឺ ធ្វើឱ្យមានការរីកចំរើនវិស័យឧស្សាហកម្មកំព្យូទ័រ ក្នុងផ្ទៃប្រទេស ។

ចំនុចទាំងបួននេះហើយ ដែលលោក Navin Shenoy បានលើកឡើងក្នុងកិច្ចពិគ្រោះការងារជាមួយ ឯកឧត្ដមឧបនាយក រដ្ឋមន្ដ្រី សុខ អាន រដ្ឋមន្ដ្រីទទួលបន្ទុកទីស្ដីការគណរដ្ឋមន្ដ្រី ឯកឧត្តមក៏បានសាកសួរ ដើម្បីស្វែងរកឱ្យដឹង អំពីផលប្រ យោជន៏ នៃការប្រើប្រាស់ Internet នៅតាមបឋមសិក្សា និងមធ្សមសិក្សា ។ ឯកឧត្ដមឧបនាយករដ្ឋមន្ត្រី ក៏បានលើកសំនួរ សាកសួរលោក Shenoy តើធ្វើយ៉ាងណាដើម្បីការប្រើប្រាស់ Internet នៅតាមបឋមសិក្សា និង នៅមធ្សមសិក្សា បាន ទទួលផលប្រយោជន៏ ហើយទទួលបាននូវការយកចិត្ដទុកដាក់ ពីគ្រូនៅតាមបឋមសិក្សា និង មធ្សមសិក្សានោះ ?

ខាងក្រុមហ៊ុន Intel បានជំរាបឆ្លើយទៅ ឯកឧត្ដមឧបនាយករដ្ឋមន្ដ្រី ថាបើសិនជាកិច្ចការទាំង ៤ ដែលគេលើកឡើងព្រមៗ គ្នា នោះដំណើរការនៃការសិក្សា Internet នៅកម្ពុជានឹងអាចចំរើនបាន ចាប់ពីបឋមសិក្សា និង មធ្យមសិក្សាឡើងទៅ ។ ហើយដើម្បីជួយជំរុញឱ្យលោកគ្រូ-អ្នកគ្រូ មានចេតនាចង់ចេះ ចង់ដឹង និង យកចំណេះដឹងនេះ មកប្រើប្រាស់នៅក្នុងសា លាផងនោះ គឺនៅថ្ងៃស្អែកនេះ ក្រុមហ៊ុន Intel នឹង ធ្វើកិច្ចពិភាក្សាជាមួយក្រសួងយុវជន និង កីឡា ហើយក្រុមហ៊ុននឹង ចេញសេចក្តីប្រកាស ដើម្បីជំរុញឱ្យលោកគ្រូ និង អ្នកគ្រូ ទទួលបាននូវវិក្រិត្យការ ដើម្បីឱ្យមានការចាប់អារម្មរណ៏ និង ចង់ ប្រើកុំព្យូទ័រ ។

ហើយខាងក្រុមហ៊ុន Intel ចាប់អារម្មណ៏យ៉ាងខ្លាំង ដោយឃើញប្រទេសកម្ពុជា យកចិត្ដទុកដាក់ លើបញ្ហយុវជន ដែល បានចេញពីការសិក្សានៅមធ្សមសិក្សា ហើយមិនបានបន្ដចូលឧត្ដមសិក្សា តែដោយចង់ស្វែងរកការងារ ធ្វើអ្នកទាំងនោះ និង ទទួលបាននូវការបន្ដុះបណ្ដាលពីរាជរដ្ឋាភិបាល ដើម្បីឱ្យកា្លយជាប្រភពធនធានមនុស្ស អាចបំរើកិច្ចការឧស្សាហកម្ម ដែលត្រូវការ ។

ឯកឧត្ដមឧបនាយករដ្ឋមន្ដ្រី សុខ អាន រដ្ឋមន្ដ្រីទទួលបន្ទុកទីស្ដីការគណរដ្ឋមន្ដ្រី ក៏បានលើកឡើងអំពីការងាររបស់រាជរដ្ឋាភិ បាល ដើម្បីធ្វើយ៉ាងណាឱ្យមានតុល្យភាព រវាងតំរូវការពលកម្មជាប្រភពធនធាន ដែលមានការចេះដឹងខ្ពស់ ក៏ដូចគ្នា និង ផ្ដល់នូវធនធានទាំងនោះ សំរាប់ឧស្សាហកម្ម ក៏ដូចជាវិស័យផ្សេងៗ ទៀតក្នុងការអភិវឌ្ឍន៏ប្រទេសជាតិ ។

នៅក្នុងការពិភាក្សាទាំងនេះ ខាងក្រុមហ៊ុន Intel មានជំនឿ និង មានទំនុកចិត្ដ ចំពោះការអភិវឌ្ឍន៏ និង គំរោងរបស់រាជរដ្ឋា ភិបាល ដែលបានមើលចំពោះបញ្ហ ហើយបានត្រៀមខ្លួន ដើម្បីធ្វើឱ្យការអភិវឌ្ឍន៏ទាំងនោះ ទទួលបានជោគជ័យ ។ ឆ្លៀត ក្នុងឱកាសនោះ លោក Navin Shenoy បានសសើរចំពោះរាជរដ្ឋាភិបាលកម្ពុជា ដែលទើបតែបានឆ្លងកាត់ការរៀបចំ ការបោះឆ្នោត ដែលបានប្រព្រឹត្ដទៅដោយមានលក្ខណៈយុត្ដិធម៍ មានសេរីភាព ហើយក៏ជាជោគជ័យមួយ ក្នុងការបណ្ដុះ បណ្ដាលលិទ្ធិប្រជាធិតេយ្យនៅក្នុងប្រទេសកម្ពុជា ។ ដោយសារប្រទេសកម្ពុជាមានស្ថេរភាពនយោបាយ សន្ដិសុខសង្គម និងដំនើរឈានទៅមុខ ក្នុងវិស័យអបរំ នៅក្នុងប្រទេសកម្ពុជា ទើបធ្វើឱ្យក្រុមហ៊ុន Intel មានចំណាប់អារម្មណ៏ និង ទុក ចិត្ដខ្ពស់ ហើយជាការផ្ដល់ក្ដីសង្ឃឹម ចំពោះអ្នកវិនិយោគ ក៏ដូចជាផ្ដល់ក្ដីសង្ឃឹមក្នុងការអភិវឌ្ឍន៏ជាតិ ក្រោមការដឹកនាំដ៏ ឈ្លាសវៃរបស់ សម្ដេចអគ្គមហាសេនាបតិតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា ។