ថៃ្ងទី០៣ ខែកញ្ញា ឆ្នាំ២០០៨

សភាពការណ៏ក្រោយពីការប្រកាសអាសន្ននៃប្រទេសថៃនៅថ្ងៃទី ០២-០៩-០៨

ស្ថានការណ៏នយោបាយនៅក្នុងប្រទេសថៃសំរាប់ថ្ងៃនេះ បានបង្ហាញឱ្យឃើញថា នឹងមិនមានការធ្វើរដ្ឋប្រហារដោយយោ ធាទេ ហើយថា បញ្ហាស្ថានការណ៏នយោបាយនេះ ត្រូវតែដោះស្រាយតាមរយៈសភាជាតិ ដែលសភានោះត្រូវតែទទួលខុស ត្រូវឱ្យបានច្រើនថែមទៀត នេះបើតាមការដកស្រង់សំដីរបស់លោក អនុភុង ប៉ៅចិន្ដា អគ្ដបញ្ជាការកងទ័ពថៃ ។

ចំពោះសម្ព័ន្ឋប្រជាជនដើម្បីលទ្ឋិប្រជាធិបតេយ្យរបស់ប្រទេសថៃ មកទល់ថ្ងៃនេះគឺថ្ងៃទី០៣ ខែកញ្ញា គឺមិនមានផែនការ ចចារជាមួយនរណាម្នាក់ រាប់ទាំងឧត្ដមសេនីយ៏ អនុភុង ប៉ៅចិន្ដា លើកលែងទាំងឯកឧត្ដម សាម៉ាក់ លាលែងចេញពីតំណែង នាយករដ្ឋមន្ដ្រី ។ រីឯលោក ស៊ុនឌី ដែលជាមេដឹកនាំស្នួលនៃសម្ព័ន្ឋប្រជាជនដើម្បីលទ្ឋិប្រជាធិបតេយ្យនេះ ដែលបាន និយាយឱ្យគេដឹងជាលើកដំបូងទាក់ទងនឹងការសំរបសំរួលគ្នាបួនចំនុច

១. មិនធ្វើការកែប្រែរដ្ឋធម្មនុញ្ញ

២. ត្រូវអនុវត្ដតាមសេចក្ដីសំរេចរបស់តុលាការធម្មនុញ្ញទាក់ទងទៅនឹងប្រាសាទព្រះ វិហារ

៣. ត្រូវព្យួរ ឬផ្អាកគំរោងអភិវឌ្ឍន៏ធំៗ

៤. ត្រូវប្ដេជ្ញាធ្វើកំណែទំរង់នយោបាយ និង ការចូលរួមជាសាធារណៈអោយបាន ច្រើននៅក្នុងនយោបាយ

ដោយឡែកនាថ្ងៃនេះដែរ សហជីពកម្មករ អាជ្ញាធរអគ្ដីសនីរាជធានីបាងកក បន្ដធ្វើការប្រឆាំងតវ៉ារាជរដ្ឋាភិបាល ហើយថា នឹងកាត់ផ្ដាច់ការផ្កត់ផ្កង់ភ្លើងដល់ក្រសួងការពារជាតិនៃប្រទេសថៃ ប្រសិនជាលក្ខខណ្ឌទាមទាររបស់ពួកគេមិនត្រូវបាន ឆ្លើយតប ។