ថៃ្ងទី០១ ខែកញ្ញា ឆ្នាំ២០០៨

ការទន្រានទឹកដីដោយខុសច្បាប់ ពីសំណាក់ក្រុមទាហានថៃចូលក្នុងបរិវេណប្រាសាទព្រះវិហារ និង ប្រាសាទតាមាន់តូច តាមាន់ធំ

ការទន្ទ្រានទឹកដីដោយខុសច្បាប់ ពីសំណាក់ក្រុមទាហានថៃចូលក្នុងបរិវេណ ប្រាសាទព្រះវិហារ និង ប្រាសាទតាមាន់តូច តាមាន់ធំ ដែលត្រូវគេបានដឹងថា សុទ្ឋតែជាតំបន់ស្ថិតនៅក្នុងដែនអធិបតេយ្យភាពរបស់ ព្រះរាជាណាចក្រកម្ពុជា នោះហាក់ បង្ហាញឱ្យឃើញថា ថៃមិនបានគោរពទៅតាមខ្សែបន្ទាត់ព្រំដែន ដែលបានកំណត់ដោយប្រទេសទាំងពីរ ដែលបានចុះសន្ឋិ សញ្ញារួមគ្នានៅក្នុងឆ្នាំ ១៩០៤ និង ១៩០៧ នោះ ។

ទាក់ទងទៅនឹងសាច់រឿងនេះដែរ ឯកឧត្ដម វ៉ា គឺមហុង ប្រធានគណៈកម្មាការចំរុះទទួលបនុកកិច្ចការព្រំដែន បានមានប្រសា សន៏ថា ករណីដែលភាគីថៃរំលោភនៅតាមព្រំដែននោះ គឺមិនមែនដោយមូលហេតុថា កម្ពុជា និង ថៃ មិនមានខ្សែរព្រំដែន មួយច្បាស់លាស់នោះទេ ។

គួររំលឹកផងដែរថា នាពេលបច្ចុប្បន្ននេះរវាងកម្ពុជា និង ថៃ មានបង្កោលព្រំដែនសរុបចំនួន ៧៣ បង្កោល ដែលឯកឧត្ដម ក៏បានគូសបញ្ជាក់ឱ្យដឹងផងដែរថា ក្នុងកិច្ចការរបស់គណៈកម្មការចំរុះ គឺបានឱ្យក្រុមបច្ចេកទេសចំរុះ ចុះរុករកនូវបង្កោលព្រំ ដែនចាស់ ដែលគណៈកម្មារការព្រំដែនបារាំង-សៀម បានបោះនៅក្នុងឆ្នាំ១៩០៨ ១៩០៩ និង លើកទី ២ គឺបោះនៅឆ្នាំ ១៩១៩ និង ១៩២០ ដែលមានចំនួនសរុបទាំងអស់ចំនួន ៧៣ បង្កោល ។ ទាក់ទងទៅនឹងសាច់រឿងនេះដែរ លោកអ្នក នឹងបានជ្រាបតាមរយៈបទសម្ភាសន៏តាមទូរស័ព្ទរវាងនាងខ្ញុំ ជាមួយនឹងឯកឧត្ដមវ៉ាគឹមហុង ប្រធានគណៈកម្មាការចំរុះ ទទួលបន្ទុកកិច្ចការ ស្ដីពីស្ថានភាពទូទៅ ទាក់ទងនឹងស្ថិរភាពនៃខ្សែរបនាត់ព្រំដែន ដែលនឹងមានផ្សាយនៅចុង កម្មវិធី មាតុភូមិយើង នាពេលបន្ដិចទៀតនេះ។